Հեռավար-առցանց ուսուցում
Մարտի 30-ից ապրիլի 14
Տեսադաս
Զատկի տոնը ընտանեկան ուրախ տոն է, հստակ ուտեստային տեսականին պահպանած, ձվախաղերը: Ձուն համարվում է հարության և նոր կյանքի սկզբնավորման խորհրդանիշ, իսկ կարմիր գույնը խորհրդանշում է խաչյալ Հիսուսի կենդանարար արյունը:
Զատիկ կամ Հիսուս Քրիստոսի հրաշափառ Հարության տոն, քրիստոնյա եկեղեցիների, այդ թվում նաև Հայ Առաքելական Եկեղեցու հնագույն և գլխավոր տոնը, հինգ տաղավար տոներից մեկը։
Համաձայն քրիստոնեական ուսմունքի՝ Հիսուս Քրիստոսի (Գառն Աստծո) կամովին մահվան ընդունման և իր արյան հեղման՝ հանուն մարդկության փրկության։ Քրիստոնեական եկեղեցիները Հիսուս Քրիստոսի հարությունը տոնում են որպես Զատիկ, որովհետև ըստ քրիստոնեական ուսմունքի Քրիստոսն է հավիտենական այն զոհը կամ պատարագը, որի միջոցով մարդն ստանում է մեղքերի թողություն, ապա՝ կյանք և հարություն: Զատիկը Հայերի մոտ տոնվել է ապրիլ ամսին՝ շատ ավելի վաղ, քան քրիստոնեությունն է։ Այն զատիկ է կոչվել ձմեռվանից գարունը զատվելու առթիվ։ Սկզբնական շրջանում այն եղել է անշարժ տոն և համընկել է մարտի 21-ի գիշերահավասար օրվա հետ՝ գիշեր – ցերեկն իրարից զատելու իմաստով։
Կենաց ծառ, ասել է թե կյանքի ծառը շեշտում է կյանքի վերընթաց գիծը՝ ծննդից մինչև ծաղկունք ու պտղաբերում: Նրա բարձրագույն նպատակը անմահությունն է:
Տիեզերական ծառի` Կենաց ծառի գաղափարն է ունեցել նաև Ամանորի տոնածառն : Այս ծիսական պարագաները ի սկզբանե ունեցել են Տիեզերքին սպառնացող Քաոսը կանխելու ակնկալիք: Եթե Ամանորին չոր ճյուղերից ծառը զարդարում էին մրգերով և չրերով, ապա Ծառզարդարի ծառը զարդարվում էր փնջած ձվերով, որոնք աչքխափան հուռութք են եղել:
Ծաղկազարդը (Ծառզարդար) Մեծ Պասի նախավերջին կիրակնօրյա տոնն է (Զատիկից մեկ շաբաթ առաջ): Տոնի ծիսական արարողությունների մեծ մասը նվիրված է գարնան զարթոնքին: Ծաղկազարդի օրը երիտասարդները ուռենու ճյուղեր էին կտրում և բերում եկեղեցի: Վառվող մոմերի պայծառությամբ լուսավորված եկեղեցում քահանան օրհնում էր ճյուղերը, որից հետո դրանք բաժանվում էին ներկաներին: Այդ ճյուղերին վերագրվում էր չարխափան զորություն: Մարդիկ այդ ճյուղերը պահում էրն տանը, դնում ամբարների և կարասների մեջ, որ հիվանդությունները վերանան, և տարին առատ լինի բերք ու բարիքով:
Մասնակիցներ՝
Գասպարյան Էդիտա 8-5դաս.
Գյուլումյան Էլեն 8-5դաս.
Տեր-Թորոսյան Գևորգ 8-1
Հարությունյան Լիլիթ 8-5
Բաբաջանյան Ռուզաննա 7-2դաս.
Ոսկանյան Մանյա 8-7դաս.
Խաչատրյան Հայկ 8-6դաս.
Ստեփանյան Գարեգին 8-1դաս.
Կարապետյան Էլեն 8-2դաս.
Նպատակը՝ սովորողներին մասնակից դարձնել արհեստ-արվեստի տարբեր տեխնոլոգիաներին, ծանոթացնել և տարածել ազգային տոները, ստեղծելու իրենց կիրառման համար անհրաժեշտ պարագաներ, զարդեր: Զարգացնել և կատարելագործել մտածողություն, հմտություն և ճաշակ:
Արդյունքների հրապարակում․
Պատրաստում, տեղադրում են սովորողներն իրենց բլոգներում, հղումը ուղարկում դասավանդողին:
Оставьте комментарий